Версия для слабовидящих
16-с төгүлүн ыытыллар Олоҥхо ыһыаҕар Үүнэр көлүөнэ тыйаатыра «Мэндэ бухатыыр» испэктээкили көрдөрүө
Былдьаһыктаах дьыллар быданнаах кэтэхтэригэр таас хайа дьайыҥнаах, өйүмүлээх Өймөкөөн сиригэр саха-эбээн омуктара, сэргэх күүстээх боотурдара, аатырар-сураҕырар, албан ааттаах, астык бэйэлээх МЭНДЭ БУХАТЫЫР уонна үүт маҥан дьүһүннээх, имигэс мааны ТАБАЧААН дьоллоох, үчүгэй олоххо олорбуттар.
Бу курдук үтүө-мааны дойдуга бур-буруо таһааран, быр бааччы олоруохтарын, оонньуу-көр кэмигэр алҕаска олооччутун үктэппит күүдээх сордоох орто дойду дьонугар өһүрэн, чоп курдук тосторун бэрдэрээри, иэстэһээри, абааһы аймаҕар үҥсэ ыстанар…
Дьэ ол кэнниттэн Аан дойду атыйахтаах уу курдук дьалкыйар. Бу кэмҥэ үрүҥ ТАБАЧААН кистэлэҥ анала арыллар…
Өймөкөөн улууһун Томтор нэһилиэгэр ыытыллар 16-с Олоҥхо ыһыаҕар Саха Өрөспүүбүлүкэтин Үүнэр көлүөнэтин тыйаатыра хаһан даҕаны туруоруллубатах премьераҕа, оҕо биллиилээх суруйааччыта Евдокия Иринцеева-Огдо суруйбут «Хотой куттаах, Луо тыыннаах орто дойду олоҕун көмүскүүр аналлаах Мэндэ бухатыыр» оҕо олоҥхотунан турбут «МЭНДЭ БУХАТЫЫР» испэктээкили көрдөрүөҕэ!
Туруоруу бастакы көрдөрүүтэ Үүнэр көлүөнэ тыйаатырын сыанатыгар бэс ыйын 19 күнүгэр, киэһэ 14:00 чаастан буолуоҕа.
Режиссер: СӨ үтүөлээх артыыската Валентина Якимец
Худуоһунньук: СӨ култууратын туйгуна Мария Иванова
Сүрүн оруолларга:
Олоҥхону толорооччу — СӨ үтүөлээх артыыската Мария Данилова
Мэндэ Бухатыыр – Кирилл Рожин
Табачаан – Айыына Слепцова
Уһуна: 45 мүн.