Версия для слабовидящих
Кулун тутар 20 күнүгэр, Арассыыйа култууратын үтүөлээх үлэһиттэрэ Матрена уонна Алексей Павловтар салайааччылаах Үүнэр көлүөнэ тыйаатыра Арассыыйаҕа Дьиэ кэргэн сылын, Саха сиригэр Оҕо сылын уонна култуура тэрилтэлэригэр оҕо тыйаатырга дьоҕурун сайыннарыы сылын чэрчитинэн, Александр Фадеев айымньытынан “Эдэр гвардия” испэктээкили көрдөрүө.
Туруоруу оҕолорго, эдэр ыччакка аналлаах тыйаатыр күнүгэр анаан көстүөҕэ уонна Улуу Кыайыы 79-с сылыгар ананыаҕа.
Краснодон дьоруойдара комсомуоллар кистэлэҥ » Эдэр гвардия» диэн өстөөҕү утары охсуһар тэрилтэлэрин тэрийбиттэр … Испэктээк саҕаланыаҕыттан бүтүөр диэри тыҥааһыннаах кэмҥэ олорон ааспыт дьон хайдахтаах курдук уустук түгэннэри, кыһалҕалаах күннэри дьоһуннаахтык, бэриммэккэ ааспыттарын сырдатар.
Сүрүн дьоруойдар олохтон туорааталлар даҕаны, кинилэр турууласпыт кырдьыктара өрүү тыыннаах!
Туруорааччы режиссер:
СӨ искусстволарын үтүөлээх диэйэтэлэ Александр Титигиров.
Туруорааччы худуоһунньук:
СӨ култууратын туйгуна Гоша Аммосов.
Оруоллары толороллор:
СӨ үтүөлээх артыыһа Анна Флегонтова, СӨ култууратын туйгуннара Любовь Макарова, Владислав Портнягин, Кирилл Рожин, Үүнэр көлүөнэ тыйаатырын эдэр артыыстара Сахайаана Сидорова, Елизавета Далбараева, Айыына Слепцова, Татьяна Хомподоева, Айталыына Яковлева, Никита Соловьев, Ньургун Черов, Спартак Ларионов, Мичил Хомподоев уонна Сергей Эверстов.