Версия для слабовидящих
…Мин сибэкки буолбатахпын,
Суох, мин арыый атыммын –
Тымныы халлааны таламмын,
Ойдом үүммүт хахыйахпын…
Бу хоһоон строкаларын «курус санаа генийэ», «кутурҕан куо», саха бастакы поэтессата Варвара Потапова суруйбута. Кини устар ууну сомоҕолуур уус тыллаах, ураты философскай, дириҥ суолталаах, ардыгар киһиэхэ дэбигис өйдөммөт, уйадытар да, толкуйдатар да хомоҕой хоһооннордоох. Варвара Потапова хоһоонноро оннук дьикти айылгылаахтар. Кини олоҕу туспатык, уратытык, бэйэтин кэмигэр саҥатык хоьуйбут хоһоонньутунан биллэр…
РФ култууратын үтүөлээх үлэһитэ, СӨ норуодунай артыыһа Алексей Павлов салайааччылаах Үүнэр көлүөнэ тыйаатыра, Аан Дойду дьахталларын күнүгэр анаан, кулун тутар 9 күнүгэр, Дьокуускайдааҕы 38 нүөмэрдээх орто оскуолаҕа «Ойдом үүммүт хахыйах» диэн Варвара Потапова хоһооннорунан моно-испэктээкили көрдөрүөҕэ.
Бу күн Үүнэр көлүөнэ тыйаатырын эдэр артыыската Татьяна Хомподоева лириканан туолбут, дириҥ суолталаах, сүрэҕи-быары курдаттыы киирэр, ардыгар санаарҕатар-санньытар уонна поэзия алыбын арыйар тыллардаах хоһооннору толоруоҕа.
Туруорааччы режиссер – СӨ үтүөлээх артыыската Валентина Якимец.
Сценография, көстүүм – СӨ култууратын туйгуна Мария Иванова.
Муусуканан киэргэтиини СӨ социальнай сулууспатын туйгуна, СӨ култууратын туйгуна, Сунтаар нэһилиэгин бочуоттаах олохтооҕо Людмила Пустолякова уонна саха норуодунай артыыһа Алексей Егоров матыыптарын туһанан, СӨ култууратын туйгуна Владимир Якимец оҥордо.
Уһуна – 1 чаас.
Сааһа – 6+
Купить билет