Үлэ сылыгар анаммыт өрөспүүбүлүкэтээҕи оҕолорго уруһуй күрэҕин түмүгэ

Алексей Павлов салайааччылаах СӨ Үүнэр көлүөнэтин судаарыстыбаннай тыйаатыра Саха сиригэр Үлэ сылын чэрчитинэн кулун тутар 20 күнүттэн муус устар 20 күнүгэр диэри «Үлэ барыта үчүгэй, идэ барыта бочуоттаах» оҕолорго аналлаах уруһуйга өрөспүүбүлүкэтээҕи күрэҕин түмүгэ таҕыста.

Күрэх сүрүн сыалынан-соругунан үүнэн эрэр көлүөнэ өйүгэр-санаатыгар дойдуга бэриниилээх буолуу өйдөбүлүн иҥэрии уонна уруһуй нөҥүө оҕону үлэҕэ, үөрэххэ ыҥырыы буолбута. Усулуобуйа быһыытынан, кыттааччы оҕо үлэһит киһини көрдөрөр, үлэ тиэмэтин арыйар ойуулары уруһуйдаан ыытыахтаахтара.

Күрэххэ өрөспүүбүлүкэбит үгүс муннугуттан, Дьокуускай куораттан, Булуҥ, Өймөкөөн, Бүлүү, Нам, Мэҥэ-Хаҥалас уонна да атын улуустартан алта уонтан тахса оҕо кыттыыны ылла. Күрэххэ үлэ үтүөтүн арыйар, идэ эгэлгэтин көрдөрөр бэртээхэй уруһуйдар киирдилэр.

Күрэх түмүгэ ыам ыйын 1 күнүгэр, «Үлэ, саас, маай» бырааһынньыгын чэрчитинэн Үүнэр көлүөнэ тыйаатырын sakhatuz.ru саайтыгар уонна куйаар ситимнэригэр таҕыста. Күрэс түмүгүнэн, хас биирдии бөлөххө биир кыайыылаах оҕо быһаарылынна:

• 1 бөлөх кыайыылааҕа — Харысхал Егоров, 7 саастаах, хартыыната — «Летчик- твоя профессия безгранична», Булуҥ улууһа, Намыы сэлиэнньэтин «Кэнчээри» оҕо уһуйаана.
  Салайааччы — Горохова Гликерия Эрнестовна.
• 2 бөлөх кыайыылааҕа — Сандаара Степанова, 7 кылаас үөрэнээччитэ, Ньурба улууһун С.С. Сюльскай аатынан Сүлэ орто оскуолата.
• 3 бөлөх кыайыылааҕа — Виктория Дмитриева, Дьокуускай куорат Н.А. Алексеева аатынан Техническэй лиссиэй үөрэнээччитэ.
  Салайааччы — Е.А. Ксенофонтова.

Кыттыбыт оҕолорго, кинилэр төрөппүттэригэр, учууталларыгар, уһуйааччыларыгар барҕа махталбытын тиэрдэбит!
Куруутун ситиһии арыаллаатын, табыллыы таарыйдын, үөрүү үмүөрүстүн, хайҕабыл ханыыластын, туйгун доруобуйа дьиэлэннин, дьол доҕордостун!

Тэрийэр хамыыһыйа

СЕРТИФИКАТЫ 1 ГРУППЫ (скачать здесь)

СЕРТИФИКАТЫ 2 ГРУППЫ (скачать здесь)

СЕРТИФИКАТЫ 3 ГРУППЫ (скачать здесь)

ДИПЛОМЫ ПОБЕДИТЕЛЕЙ