Версия для слабовидящих
Тохсунньу ый 23 күнүгэр, күнүс 4 чааска Арассыыйаҕа биллэриллибит Дьиэ кэргэн сылын, Саха сиригэр биллэриллибит Оҕо саас сылын Саха Өрөспүүбүлүкэтин Үүнэр көлүөнэтин судаарыстыбаннай тыйаатыра «Нуоралдьыма чараҥар» испэктээкилинэн, үгэс быһыытынан, Нам улууһун Аппааны сэлиэнньэтигэр арыйар!
Оскуолаҕа саха литературатын бырагырааматыгар киирэ сылдьар, Николай Лугинов аатырбыт айымньытыгар уончатын туола илик Ньургун уолчаан эбэтинээн уонна аҕатынаан ыар сүтүк аһыыта, аймалҕана ааһа илик, киһи кута-сүрэ ахтылҕантан хараастар, сэрии кэннинээҕи уустук кэмигэр хайдах олороллоро кэпсэнэр.
Саха сирин норуодунай суруйааччыта, драматург уонна сценарист, Арассыыйа култууратын үтүөлээх үлэһитэ Николай Лугинов «Нуоралдьыма чараҥар» айымньытын туруорааччы режиссера Антон Ботаков, туруорааччы худуоһунньук Мария Иванова.
Сүрүн оруолларга тыйаатыр эдэр артыыһа Мичил Хомподоев уонна Саха Өрөспүүбүлүкэтин култууратын туйгуна Екатерина Семенова.