Версия для слабовидящих
Бэс ыйын 1 күнүгэр, Аан дойдутааҕы о5о көмүскэлин күнүгэр анаан, Саха Өрөспүүбүлүкэтин Үүнэр көлүөнэтин судаарыстыбаннай тыйаатырын «ҮКТэн» («Үүнэр Көлүөнэ Тыйаатыра — эн») диэн ааттаах, сахалыы тыллаах о5о тыйаатырын устуудьуйата Реас Кулаковскай «Орто дойду олохтооҕо Ордьоот оҕонньор» диэн олоҥхо-остуоруйатынан испэктээк көрдөрүөҕэ.
Тыйаатыр артыыстарын көмөтүнэн, оҕолор айар идэҕэ бастакы хардыыларын оҥороллор, уобараһы уонна ис кыахтарын арыйарга үөрэнэллэр. Дьарык, төрөөбүт ийэ тыл туттуллар эйгэтэ кэҥииригэр, тыл сайдыытыгар улахан төһүү күүс буолар.
Бу туруоруу, устуудьуйа кыттыылаахтарын айар дьарыктарын түмүгүн көрөөччүгэ арыйыаҕа.
Режиссер — Никита Соловьев.
Худуоһунньук — Мария Иванова.
Салайааччы — СӨ үтүөлээх артыыһа Мария Никитична Данилова.
Испэктээк көрөөччүлэргэ, оҕолорго уонна кинилэр төрөппүттэригэр, чаҕылхай иэйиини, умнуллубат түгэннэри бэлэхтиэҕэ.
Үүнэр көлүөнэ тыйаатырын пресс-киинэ