Версия для слабовидящих
Саха Өрөспүүбүлүкэтин Үүнэр көлүөнэтин судаарыстыбаннай тыйаатыра бэс ыйын 1 күнүгэр оҕо-аймах үөрүүтүн түмэр, төрүт үгэспитин үйэтитэр аналлаах аан маҥнайгытын ыытыллар «КҮӨРЭГЭЙ. ОҔО ЫҺЫАҔА» тэрээһиҥҥэ хотугу норуоттар остуоруйаларынан турбут «КЭҔЭ» испэктээги бэлэх уунна.
«Кэҕэ» — ийэ уонна оҕо сыһыанын, үлэһит уонна сүрэҕэ суох буолуу содулун, таптал уонна аахайбат буолуу итэҕэһин туһунан киһини олоххо үөрэтэр хотугу норуоттар остуоруйаларынан турбут испэктээкил.
Оҕолорго төрөппүтү таптыырга, үлэтин сыаналыырга уонна көмөлөһөргө үөрэтэр остуоруйа.
Туруорааччы режиссер: СӨ ускуустубаларын үтүөлээх диэйэтэлэ Александр Титигиров Туруорааччы худуоһунньук: СӨ култууратын туйгуна Егор Аммосов.
Испэктээк ситиһиилээхтик көрдөрүллэн оҕолорго, кинилэр төрөппүттэригэр чаҕылхай, умнуллубат иэйиилэри, бырааһынньыктааҕы кэрэ түгэни бэлэхтээтэ.
Үүнэр көлүөнэ тыйаатырын пресс-киинэ
