Версия для слабовидящих
Алтынньы 11 күнүгэр 1-кы кылаастан 11-с кылааска диэри үөрэнэр сахалыы саҥарар оҕолору тыйаатырга уһуйар «ҮКТэн» («Үүнэр Көлүөнэ Тыйаатыра — эн») диэн ааттаах устуудьуйаҕа сахалыы тыллаах о5олору талыы буолла.
«ҮКТэн» 2024 сылтан Арассыыйа култууратын үтүөлээх үлэһиттэрин Матрена уонна Алексей Павловтар көҕүлээһиннэринэн, Саха Өрөспүүбүлүкэтин Үүнэр көлүөнэтин судаарыстыбаннай тыйаатырыгар үлэлиир.🎭🎬
Устуудьуйа салайааччытынан — Саха Өрөспүүбүлүкэтин үтүөлээх артыыһа Мария Никитична Данилова буолар.
🎯 «ҮКТэн» сыала-соруга:
▫️Оҕо төрөөбүт төрүт тылын билэригэр, таптыырыгар, тыл туттуллар эйгэтэ кэҥииригэр олук ууруу;
▫️Оҕону тыйаатыр умсугутуулаах эйгэтигэр киллэрии;
▫️ Артыыстыыр сатабыл кистэлэҥнэрин үөрэтии;
▫️ Саҥарар-иҥэрэр ускуустубаны баһылыырга, сыанаттан куттаммат буоларга эрчийии;
▫️ Оҕо дьиҥ ис кыаҕын арыйыы.
Үүнэр көлүөнэ тыйаатырын пресс-киинэ