Версия для слабовидящих
Олунньу 4 күнүгэр Саха Өрөспүүбүлүкэтин үүнэр көлүөнэтин судаарыстыбаннай тыйаатырын артыыстара С.А. Зверев аатынан Түбэй-Дьаархан орто оскуолатын үөрэнээччилэрин кытары көрүстүлэр. Үүнэр көлүөнэ тыйаатырын артыыстара Түбэй-Дьаархан кырачаан көрөөччүлэриттэн буойун суруйааччы Тимофей Сметанин «Күөрэгэй» остуоруйатынан, режиссер Александр Титигиров туруоруутунан куукулалаах испэктээги көрдөрөн, ытыс тыаһынан махтал маанытын биллилэр.
Саха сирин норуодунай суруйааччыта, драматург уонна сценарист, Арассыыйа култууратын үтүөлээх үлэһитэ Николай Лугинов «Нуоралдьыма чараҥар» сэһэнигэр сэрии кэннинээҕи олох, оҕо саас кэмнэрэ ойууланар. Үөрэнээччилэр оскуолаҕа ааҕар айымньыларын режиссер Антон Ботаков туруоруутугар уонна тыйаатыр артыыстарын толоруутугар көрөн сэргээбиттэрин биллэрдилэр.
ҮКТ пресс-киинэ
#ҮүнэркөлүөнэтыйаатыраТүбэйДьаархаҥҥа
#ТеатрюногозрителяЯкутииРСЯ
